Saryu Snehni Surili Sarvani

તેમના કહેવા મુજબ અપરંપાર વિષયો સાથે કાવ્ય સર્જન કરનાર કવિયિત્રિ લય, ગતિ, મન, વચન, કર્મ અને સમર્પણથી પણ આગળ વધીને માતૃભાષા વિશે વાત કરે છે. આ કાવ્યસંગ્રહના આશિર્વાદ પૃષ્ઠ પર લખતા સ્વામી શ્રી સચ્ચિદાનંદજી લખે છે કે આ કાવ્યસંગ્રહ પર એક નજર કરતા જ કવિયિત્રીની કલ્પના શક્તિ અને પોતાના વિચારોની વ્યક્ત કરવાની ક્ષમતા અને સૂક્ષ્મતા ધ્યાનમાં આવ્યા વગર રહેતા નથી. સચ્ચિદાનંદ સ્વામીશ્રીના કહેવા અનુસાર આ કાવ્યસંગ્રહના વિવિધ વિષયો છે અને કવિયિત્રીના વિવિધ ભાવો તેમાં વ્યક્ત થયા છે. તેમાં કુદરત પ્રત્યેનો પ્રેમ, તેની મહત્તા અને આધ્યાત્મિકતાનાં ભાવો પણ વણાયેલા છે.