આ પુસ્તકમાં વાત છે જેલ નંબર છ, તિહાર જેલ દિલ્હીની. આ પુસ્તક એવી મહિલાઓનું છે કે જે તિહાર જેલમાં બંધ છે. વિમલા મહેરા અને વર્તિકા નંદા બંનેના સહયોગથી લખાયેલું આ પુસ્તક તિહાર જેલની મહિલાઓના જીવન ઉપર ઘણો પ્રકાશ પાડે છે. લેખિકા કહે છે કે આ પુસ્તક એ એવી મહિલાઓની વાત છે કે જેમનું શરીર કેદ છે પણ મન કેદ નથી. આ પુસ્તકમાં તિહાર જેલની ચાર મહિલા કેદીઓની કવિતા છે જે તેમણે અનેક પીડાઓની વચ્ચે ઘેરાઈ રહ્યા પછી લખી છે. પુસ્તકમાં કવિતાઓની સાથે સાથે જેલની અંદરની કેટલીક દુર્લભ તસવીરો પણ છે. આ તસવીરો મૂકવા પાછળનો તેમનો હેતુ છે વાચકોને તિહાર જેલથી પરિચિત કરાવવાનો.