Ekmev… Dhirubhai Ambani (Gujarati)

આ પુસ્તક ‘‘એકમેવ… ધીરુભાઈ અંબાણી” રિલાયન્સ ઇન્ડસ્ટ્રીઝના શ્રી પરિમલ નથવાણી દ્વારા લખવામાં આવેલ છે અને નવભારત પબ્લિકેશન દ્વારા તેની ત્રણ ભાષામાં આવૃતિઓ તૈયાર કરી તેને ગુજરાતી, હિન્દી અને અંગ્રેજી એમ ત્રણેય ભાષામાં ઉપલબ્ધ કરાવવામાં આવેલ છે. રિલાયન્સ ઇન્ડસ્ટ્રીના અવિભાજ્ય અંગ એવા શ્રી પરિમલ નથવાણીની કલમે શ્રી ધીરુભાઈ અંબાણી નું ચરિત્ર વર્ણન એટલે સોનામાં સુગંધ. પરિમલભાઈએ શ્રી ધીરુભાઈ અંબાણીની સાથે ઘણા વર્ષો કામ કર્યું છે અને તેમણે ઘણા પ્રોજેક્ટસને સફળતાથી પાર પાડવામાં ધીરુભાઈનો સાથ નિભાવ્યો છે. આથી, સામાન્ય રીતે ધીરુભાઈ વિશે લખાતા પુસ્તકો કરતાં આ પુસ્તક કંઈક અલગ જ ભાત પાડે છે.