Modi @ 20 Sapna Thaya Sakar

દરેક પ્રકરણ પાછલા 20 વર્ષ દરમિયાન બનેલી ઘટનાઓને તેમના સંબંધિત વિષય, ટીકા, માહિતી સાથે આવરી લે છે અને જે તે ઘટનાની વિસ્તૃત ચર્ચા કરે છે. પહેલો ભાગ આપણા માનનીય વડાપ્રધાન શ્રી નરેન્દ્ર મોદીની નીતિઓની સામાજિક અસર, બીજો વિભાગ રાજકીય અસર, ત્રીજો વિભાગ આર્થિક નીતિ પર અસર, ચોથો વિભાગ તેમના શાસનના નવા પરિણામો અને પાંચમા વિભાગમાં માનનીય વડાપ્રધાન શ્રી નરેન્દ્ર મોદીના નેતૃત્વમાં ભારત, વિશ્વ સાથે કયા કાર્ય કરે છે તેની ચર્ચા કરવામાં આવી છે. આ પુસ્તકમાં આપણા ગૃહમંત્રીશ્રી અમિતભાઈ શાહ એ પણ રાષ્ટ્રને વિકાસના માર્ગ પર આગળ લઇ જતાં શ્રી નરેન્દ્ર મોદીના વૈવિધ્યપૂર્ણ ગુણો પર પ્રકાશ પાડીને પુસ્તકને સમૃદ્ધ બનાવવામાં મહત્વપૂર્ણ યોગદાન આપ્યું છે. આ પુસ્તકમાં આપણા રાષ્ટ્રીય સુરક્ષા સલાહકાર શ્રી અજીત ડોભાલ તથા અમિષ ત્રિપાઠી, અનુપમ ખેર જેવા વિવિધ ક્ષેત્રીય તજજ્ઞો માનનીય વડાપ્રધાન શ્રી નરેન્દ્ર મોદીના શાસનકાળને આપણા રાષ્ટ્રના વિકાસનો કાળ ગણાવી તેમને એક આદર્શ નેતા તરીકે પ્રસ્થાપિત કરે છે. સદગુરુ શ્રી જગ્ગી વાસુદેવ, લોકપ્રિય લેખિકા શ્રી સુધા મૂર્તિ, ભારતના વિદેશમંત્રી ડો. એસ. જયશંકર વગેરેએ માનનીય વડાપ્રધાન શ્રી નરેન્દ્ર મોદી, તેમની કાર્યપ્રણાલી, તેમનો રાષ્ટ્રપ્રેમ અને સેવા ભાવના, તેમની નીતિઓ અને તેની અસરો વિશે વિશેષ છણાવટ કરી છે. આમ, આ પુસ્તક દરેક ભારતીયના પુસ્તક-ખજાનાને વિશેષરૂપે સમૃદ્ધ બનાવશે અને ભારત દેશ વિશેની જાણકારી મેળવવાનો એક નવો જ આયામ ખોલી આપશે.