BHARAT NI VACCINE VIKAS YATRA

રસીના ઇતિહાસ સાથે જ ચાલુ થતું આ પુસ્તક ભારતની એક કંપની વિશ્વની સૌથી મોટી રસી ઉત્પાદક સંસ્થા કેવી રીતે બની તેનો રોમાંચક ઇતિહાસ વર્ણવે છે. એક સમયે રસી માટે અન્ય દેશો પર આધારિત ભારત કેવી રીતે કોરોના જેવાં કપરા કાળમાં પણ અભૂતપૂર્વ ગતિએ કોરોનાની રસી બનાવવા સક્ષમ થયું અને એક રસી મહાસત્તા તરીકે ઉભરી આવ્યું તેનું આ પુસ્તકમાં ખૂબ રસપ્રદ વર્ણન કરવામાં આવેલ છે. ભારતની આ આગેકૂચમાં ભારતની નેતાગીરીનો ફાળો નોંધપાત્ર છે. કોરોનાની રસી બનાવવામાં, જરૂરિયાતમંદ દેશો સુધી તે પહોંચાડવામાં અને વિશ્વની સૌથી મોટી રસીકરણ ઝુંબેશના અમલીકરણમાં ભારતના વડાપ્રધાન શ્રી નરેન્દ્રભાઈ મોદીએ મોખરે રહીને જે કાર્ય કર્યું તેની વિશ્વના બધા દેશોએ નોંધ લીધી છે.