SHATARANJ

શેક્સપિયરનાં પાત્રોમાં જે રીતે મનુષ્યના ભીતરની અપરાધવૃત્તિ, દમિત વાસના, મહત્વાકાંક્ષા અને સંકુલતા પ્રગટ થાય છે તે જ રીતે લેખિકા પણ પાત્રોની વૃત્તિ અને પ્રવૃત્તિઓ, પાત્રોના મનમાં રહેલો ગંદવાડ બધું જ
સપાટી પર લાવી શકે છે. આ નવલકથાના પાત્રો આપણી આસપાસના લોકોનું જાણે પ્રતિનિધિત્વ કરે છે. પાત્રનિરૂપણમાં જરૂર પડી ત્યાં પાત્રની ખૂબીઓ અને ખામીઓનું ઝીણવટભર્યું વર્ણન લેખિકાએ કરેલું છે. તેમની સંવાદની કળા સાદી સીધી પણ ખૂબ જ અસરકારક છે. શતરંજ નવલકથા મનુષ્ય જીવનની કુંઠા, એષણા, અધૂરપો અને લાલસાની કથા છે. જીવન એક નાટક છે અને માનવ માત્ર એના પાત્રો છે. એવી જ રીતે જીવન એક શતરંજ છે અને હરેક મનુષ્ય એના મોહરાં છે જેને
નિયતિ કે ઈશ્વર યથેચ્છ નચાવે છે.